Twenty Ten
Ξ January 6th, 2010 | → 0 Comments | ∇ Nothing special | 6 Views |
新一年既開始,總會令人充滿憧憬….
我希望呢一年可以有多啲時間去周圍影吓相, 跟個教練學好網球, 唔好再講啲甘普通既普通話, 工作上有啲新突破或者新轉變.
最後,希望身邊既親人朋友個個身體健康!!
Long Vacation
Ξ September 26th, 2009 | → 0 Comments | ∇ Nothing special | 21 Views |
前幾晚阿聰send番我yr 1 (11年前) sent 俾佢既歌 — 一首好舒服既歌.
聽番起,就令我諗番起A-Level臨放榜前不眠不休煲日劇既情景.
我覺得我一生人最長既Vacation就係考完A-Level到入U前呢4個月.
當然,套日劇並唔係講放假甘簡單啦..
瀨名：「不妨把這段時間當作一個悠長假期吧。」
南：「悠長假期？」
瀨名：「不需要總是全力衝刺的，人總有不順心的時候，或有感到疲倦的時候，在那時候，就把它當作是神賜給我們的一個假期，不必勉強衝刺，不必緊張，不必努力加油，一切順其自然。」
南：「然後呢？」
瀨名：「就會好轉。」
我到而家都好認同呢幾句話,雖然有d阿Q, 但人一生實有好多唔如意既事,一唔如意,就當自己放個長假,唔如意過後,就繼續拼命.
另外,我亦好鍾意劇中既廣告板.
DON’T WORRY BE HAPPY
Road Block
Ξ August 20th, 2009 | → 1 Comments | ∇ Nothing special | 26 Views |
o係工廠做左兩年幾,都未試過揸超過15分鐘既車程.今晚突然心血來潮,就叫司機俾我自己由市區揸返去工廠. 臨到工廠前,公安set左個road block,被佢截停左架車,我心諗,死啦,我冇帶license呀,點算好? 甘我就唯有扮死狗同佢講我張license留左工廠度,佢就叫我派人幫我攞俾佢睇,佢睇完之後,就話要罰我100蚊,我本黎都同意俾,但我司機幫我求情,擾攘左一輪,最終都唔使罰,但我既大名就要記錄在案,同埋收到一張<<道路交通違法行為教育放行通知書>>.
P.S. 我聽司機講呢度醉酒揸車,要即刻被拘留15日,如果香港都係甘,我諗一定冇人會醉酒揸車.
Wedding Page is released
Ξ August 18th, 2009 | → 0 Comments | ∇ Nothing special | 26 Views |
嘩…原來我有兩個月既時間冇post野啦..差d連password都唔記得左..
早一輪就忙公司野,而呢一輪就忙私人野.
好彩有女友不斷既督促,結婚d野至可以籌備得如火如荼~~~
為左答謝佢,繼Wedding Blog之後,小弟整左個另一傑作 — Wedding Homepage
至於下一個傑作,小弟又要花兩三個禮拜去整..
2009 Computex (Day 4)
Ξ June 3rd, 2009 | → 0 Comments | ∇ Nothing special | 42 Views |
成日都見到好多人係會場入面影相,不過佢地影既野唔係產品,而係show girl.
啲show girl真係著得超性感,我真係唔知啲公司係sell佢地啲產品,亦係sell啲show girl.
我又唔明白點解啲show girl會肯著甘少布既衫,仲要俾啲路人甲搭住膊頭一齊影相.
我真係好想知如果佢地啲父母見到甘樣,會有咩反應…
Computex 2009 (Day 3)
Ξ June 2nd, 2009 | → 0 Comments | ∇ Nothing special | 29 Views |
今日開show la.. 場面都幾冷清, 都未試過我地四人同一時間各有名忙…
唔通金融風暴 + 豬流感 => 拍烏英?
2009 Computex (Day 2)
Ξ June 1st, 2009 | → 1 Comments | ∇ Nothing special | 49 Views |
今日係破財既一日,由香港office寄黎既電視機同埋電腦,收到之後,竟然唔work,真黑仔!!
setup完個booth後,我地就去左燦坤既八德分店買野,我地買左部 EeeBox (NT$7699)同埋BenQ 24″ LCD monitor (NT$7800).
部EeeBox真係好slim..一個字正~~~ 以後去參展,就靠晒佢.
P.S.
我地發現身上唔夠台弊用,而我地既銀包裡總共唔過HKD1000,呢緊5日點過好呢??
2009 Computex (Day 1)
Ξ May 31st, 2009 | → 0 Comments | ∇ Nothing special | 36 Views |
時隔差唔多三個月,我又再次飛到台北,不過,今次唔係去玩,而係去做野.
有甘既奇景,梗係要自拍一下啦~~~ 好彩去台北只需一粒鐘,所以都唔覺帶住口罩好辛苦.
晏晝冇去到展覽館,而去左酒店附近既誠品書店睇書kill time.
每次去台北,總係會同101影相,今次亦唔例外.
P.S.
今次我地住既酒店係國聯大飯店,本來我俾90分評價,但當我知道呢度原來睇唔到台視後,我就覺得呢度只值60分. (真唔開心,睇唔到<<敗犬女王>>大結局)
換証
Ξ May 20th, 2009 | → 0 Comments | ∇ Memorable | 43 Views |
話甘快,我張回鄉卡就用左十年…
呢張卡o係我 Year 1暑假參加左一個 Joint U既北京tour前申請,我仲記得張相係沙田新城市廣場既快圖美影既;突然間,十年前發生既野又o係我腦前一一飄過….
呢排有個金句好 hit, 人生有幾多個十年?! (quoted from 柴九)
郊外野餐
Ξ May 2nd, 2009 | → 0 Comments | ∇ Nothing special | 46 Views |
小學個陣,我成日都想有一日阿爸阿媽會好似 ETV 節目裡甘一家人o係草地上野餐,但可惜細個屋企窮,阿爸阿媽根本冇閒來既時間帶我地去玩,所以我不得不承認我既童年都幾苦悶,好多地方我都未去過…
估唔到過左十幾廿年,我小學既夢想終於可以係尋日夢想成真. (查實,我已一早遺忘左呢個”夢想”)
尋日係五一假期,家姐阿哥見成家人都放假,就提議去迪士尼好萊塢酒店既附近大草地一家人野餐.我既姪女同埋外甥女真係幸福,一個未夠兩歲,另一個仲未識行,但佢地既阿爸阿媽就已經帶佢地去野餐,真係令我非常妒忌 
…
好彩我尋日都帶埋我個女同我一齊去玩…如果唔係,我一定悶死兼晒死…
(點解我個女甘大個,人地d女甘細個既??)
